मैत्रीपूर्ण खेलका लागि भारतीय फुटबल टिम आज दिउँसो नेपाल आईपुग्ने
मैत्रीपूर्ण खेलका लागि भारतीय फुटबल टिम आज नेपाल आउने भएको छ । अखिल नेपाल फुटबल संघ (एन्फा) ले भारतीय टिम आज दिउँसो नेपाल आईपुग्ने जनाएको हो । मैत्रीपूर्ण खेलका लागि इन्डिया फुटबल फेडेरेसनले शुक्रबार २५ सदस्यीय टिमको घोषणा गरिसकेको छ । भारतले नेपालसँग त्रिपुरेश्वरस्थित दशरथ रंगशालामा दुई मैत्रीपूर्ण खेल खेल्नेछ । मैत्रीपूर्ण खेल भदौ १७ र २० मा हुनेछ । माल्दिभ्समा आयोजना हुने साफ च्याम्पियनसिपको तयारीका लागि नेपाल र भारतले मैत्रीपूर्ण खेल खेल्न लागेको हो ।
१४ भाद्र २०७८, सोमबार ०४:०७ मा प्रकाशित