नेपाली काँग्रेसका वरिष्ठ नेता रामचन्द्र पौडेल आफू निकटका केन्द्रीय सदस्यहरूको बैठक बोलाए
पार्टी सभापति शेरबहादुर देउवाले डडेल्धुरामा प्रहरी प्रशासन लगाएर वडा अधिवेशन गराएको आरोप लगाउँदै नेपाली काँग्रेसका वरिष्ठ नेता रामचन्द्र पौडेल आफू निकटका केन्द्रीय सदस्यहरूको बैठक बोलाउनुभएको छ । आगामी महाधिवेशन र पार्टीभित्रको गुटगत राजनीतिका बारेमा बैठकमा छलफल हुने भनिएको छ । आज दिउँसो २ बजे पार्टी कार्यालय ललितपुर सानेपामा बैठक बस्ने नेताहरूले बताएका छन् । काँग्रेस डडेल्धुराका सभापति कर्ण मल्लले जिल्लाको क्रियाशील सदस्यतामा केन्द्रले धाँधली गरेको आरोप लगाउँदै आउनुभएको छ भने पौडेल पक्षले पनि विरोध गर्दै आएको छ ।
२८ भाद्र २०७८, सोमबार ०३:१९ मा प्रकाशित