विदेशबाट नेपाल आउने यात्रुको सङ्ख्या बढेसँगै त्रिभूवन अन्तर्राष्ट्रिय विमानस्थलमा कडाइ
विदेशबाट नेपाल आउने यात्रुको सङ्ख्या बढेसँगै त्रिभूवन अन्तर्राष्ट्रिय विमानस्थलमा कडाई गर्न थालिएको छ । यात्रु बढेसँगै विदेशबाट नेपाल आउने यात्रुलाई कोरोना भाइरस विरुद्धको खोपको पूर्ण मात्रा लगाएको र ७२ घण्टाको नेगेटिभ रिपोर्ट अनिवार्य गरिएको विमान स्थलको सहायता कक्षका संयोजक गोपालप्रसाद पाण्डेले सीआइएनसँग बताउनुभयो । एक मात्रामात्र खोप लगाएका नागरिकलाई भने एक हप्ता होटल आइसोलेशनमा राखेर नेगेटिभ रिपोर्ट आए, घर जान पाउने उहाँले जानकारी दिनुभयो । अध्यागमन विभागका प्रवक्ता झङ्कनाथ ढकालका अनुसार एक हप्ताअघि दैनिक १५ सय यात्रु नेपाल आउँने गरेकामा अहिले बढेर दैनिक २७ सय पुगेको छ ।
९ आश्विन २०७८, शनिबार ०३:०९ मा प्रकाशित