सकेसम्म आजै मन्त्रीपरिषद् बिस्तार गर्ने तयारी
राजनितिक दल विभाजन सम्बन्धि अध्यादेश खारेज भएँंगै प्रधानमन्त्री शेरबहादुर देउवा मन्त्रीपरिषद् बिस्तारको तयारीमा लाग्नुभएको छ । सत्ताधारी दलका बीचमा सकेसम्म आजै नभए भोलिसम्म सरकार बिस्तार गरिसक्ने बारेमा सहमति भएको छ । आजै मन्त्रीपरीषद् बिस्तार भए दिउँसो ३ बजे देखि बेलुका ८ बजेसम्म हुने नेकपा एसका नेता मेटमणी चौधरीले सीआईएनलाई जानकारी दिनुभयो । हालसम्म कुन कुन दलले कति मन्त्रालय पाउने टुङ्गो लागिसकेको भएपनि कुन–कुन मन्त्रालय पाउने भन्ने बारेमा भने सहमति भईसकेको छैन । सरकारलाई पूर्णता दिन नेकपा एकिकृत समाजवादी पार्टीबाट ६, माओवादीबाट थप ४, जसपाबाट ६ र काँग्रेसबाट दुई देखि तीन जना थप्ने तयारी भएको छ । सरकार विस्तारका विषयमा आज बैठक बसेर निर्णय गर्ने सत्तारुढ दलले तयारी थालेका छन् । तर जसपाका अध्यक्ष उपेन्द्र यादव राजधानी बाहिर भएकाले आजै मन्त्रीपरीषद् बिस्तार हुने सम्भावना कम रहेको नेकपा एसका नेता विरोध खतिवडाले सीआइएनसँग बताउनुभयो ।
१३ आश्विन २०७८, बुधबार ०३:२३ मा प्रकाशित