बलात्कार विरुद्धको कानुन के ?
बलात्कारविरुद्धको कानुन र कार्यान्वयनको अवस्थाका बारेमा आज संसदीय समितिमा विज्ञले कार्यपत्र पेश गर्ने भएका छन् । प्रतिनिधि सभा मातहतको कानुन, न्याय तथा मानव अधिकार समितिको बिहान ११ बजे बस्ने बैठकमा विज्ञ सविन श्रेष्ठले कार्यपत्र पेश गर्ने सभापति कृष्णभक्त पोखरेलले सीआईएनसँग बताउनुभयो । उहाँका अनुसार विधानोत्तर परीक्षण अन्तर्गत बलात्कारविरुद्धको कानुनको बारेमा छलफल चलाउन लागिएको हो । यसअघि जातीय छुवाछुतविरुद्धको कानुन कार्यान्वयनको अवस्थाका बारेमा समितिले छलफल गरिसकेको छ । बलात्कारविरुद्धको कानुन कार्यान्वयनको अवस्थाका बारेमा आज विज्ञले कार्यपत्र पेश गर्ने र समितिका सदस्यले अध्ययन गरीसकेपछि केही दिनमा छलफल गरिने पनि सभापति पोखरेलले जानकारी दिनुभयो ।
१८ आश्विन २०७८, सोमबार ०३:५६ मा प्रकाशित