आईपीएलमा आज गुजरात र हैदरावाद खेल्दै
इन्डियन प्रिमियर लिग (आईपीएल) टी–ट्वान्टी क्रिकेटमा आज पनि एक मात्रै खेल हुने भएको छ । आज हुने एक मात्रै खेलमा सनराइजर्स हैदरावाद र लखनउ सुपर जाइन्ट्सबीच प्रतिस्पर्धा हुनेछ । हैदरावाद र लखनउ बीचको खेल साँझ ७ ः४५ मा मुम्बईको डाक्टर डीवाई पाटील स्पोर्ट्स एकेडेमीमा सुरु हुनेछ । यसअघि, गयराति भएको खेलमा पञ्जाब किङ्ग्सले जित हात पारेको छ । साविक विजेता चेन्नई सुपर किङ्सलाई ५४ रनले पराजित गर्दै पञ्जाबले जित हात पारेको हो ।पञ्जाबले दिएको १ सय ८१ रनको लक्ष्य पछ्याएको चेन्नईले १८ ओभरमा अलआउट हुँदै १ सय २६ रन मात्र बनाउन सक्यो । चेन्नईको जारी सिजनमा यो लगातार तेस्रो हार हो ।
२१ चैत्र २०७८, सोमबार ०४:३३ मा प्रकाशित