सुदूरपश्चिमका १३ वटा अस्पतालबाट कोरोना शङ्कास्पद ८७ जना बिरामी डिस्चार्ज
सुदूरपश्चिमका १३ वटा अस्पतालबाट कोरोना शङ्कास्पद ८७ जना बिरामी डिस्चार्ज भएका छन् । दुई महिनाको अवधिमा उनीहरुलाई अस्पतालहरुले डिस्चार्ज गरेका हुन् । सेती प्रादेशिक अस्पतालबाट ३४, डडेल्धुरा अस्पतालबाट १०, अछाम अस्पतालबाट ९, बयलपाटा अस्पतालबाट ८, महाकाली र डोटी अस्पतालबाट ६–६ र बैतडी अस्पताल र भजनी स्वास्थ्य चौकीबाट ३–३, बाजुरा अस्पताल, गोकुलेश्वर अस्पताल र चौमला स्वास्थ्य चौकीबाट २–२, कोल्टी स्वास्थ्य चौकी र बझाङ अस्पतालबाट १–१ जना गरी अहिलेसम्म ८७ जनालाई डिस्चार्ज गरिएको प्रदेश स्वास्थ्य आपतकालीन केन्द्र डोटीले जनाएको छ । अहिले ५ जना सङ्क्रमितसहित १२ जनाको विभिन्न अस्पतालको आईसोलेसन कक्षमा उपचार भईरहेको केन्द्रले जनाएको छ । सेती प्रादेशिक अस्पतालमा सङ्क्रमित ५ सहित ७ जना तथा डडेल्धुरा, बैतडी, अछाम, बयलपाटा अस्पताल र चौमला स्वास्थ्य चौकीमा १–१ जनाको उपचार भइरहेको छ ।
५ बैशाख २०७७, शुक्रबार १२:५३ मा प्रकाशित