नेपालमा सङ्क्रमितकाे सङ्ख्या १५ हजार ४९१ पुग्यो, मृत्यु हुनेहरुको संख्या ३४ पुगेको

प्रकाशित मिति: २० असार २०७७, शनिबार ११:३०

नेपालमा कोरोना भाइरसबाट सङ्क्रमित हुनेकाे सङ्ख्या १५ हजार चार सय ९१ पुगेको छ ।

पछिल्लो २४ घण्टामा थप दुई सय ३२ जनामा कोरोना पुष्टि भएसँगै सङ्क्रमितको सङ्ख्या १५ हजार चार सय ९१ पुगेको स्वास्थ्य तथा जनसङ्ख्या मन्त्रालयले जनाएको छ ।

मन्त्रालयका अनुसार प्रदेश एकमा ६ सय ८६ जना, प्रदेश दुईमा चार हजार ८३ जना, वाग्मती प्रदेशमा पाँच सय २५ जना, गण्डकी प्रदेशमा ११ सय ३३ जना, प्रदेश पाँचमा तीन हजार नाै सय ४२ जना, कर्णालीमा एक हजार पाँच सय ४० जना र सुदूरपश्चिम प्रदेशमा तीन हजार पाँच सय ८२ जनामा कोरोना पुष्टि भएको छ ।

मन्त्रालयका प्रवक्ता डाक्टर गौतमका अनुसार राष्ट्रिय जनस्वास्थ्य प्रयोगशाला टेकुमा भएको परीक्षणमा एक सय १४, वीपी कोइराला स्वास्थ्य विज्ञान प्रतिष्ठान धरानमा भएको परीक्षणमा सात, कोशी अस्पताल विराटनगर प्रयोगशालामा भएको परीक्षणमा सात, प्रादेशिक जनस्वास्थ्य प्रयोगशाल विराटनगरमा भएको परीक्षणमा चार र गजेन्द्र नारायणसिंह अस्पताल राजविराज प्रयोगशालामा भएको परीक्षणमा ५१ जनामा कोरोना पोजेटिभ देखिएको छ ।

यस्तै प्रादेशिक जनस्वास्थ्य प्रयोगशाला जनकपुरमा भएको परीक्षणमा १५, भरतपुर अस्पताल प्रयोगाशाला चितवनमा भएको परीक्षणमा १३, प्रादेशिक क्षयरोग केन्द्र पोखरामा भएको परीक्षणमा आठ, प्रादेशिक जनस्वास्थ्य प्रयोगशाला रुपन्देहीमा भएको परीक्षणमा पाँच, भेरी अस्पताल नेपालगञ्जमा भएको परीक्षणमा सात र दैलेखमा प्रयोगशालामा भएको परीक्षणमा एक जनामा कोरोना पोजेटिभ देखिएको प्रवक्ता गाैतमले बताउनुभयो ।

पीसीआर विधिबाट शनिबार चार हजार ५० जनाको कोरोना परीक्षण भएको छ । सार्कराष्ट्रमध्ये कोरोना परीक्षण दर प्रति १० लाखमा भारत, श्रीलङ्का पाकिस्तानभन्दा नेपाल अगाडि रहेको उहाँले बताउनुभयो ।

अहिले देशभरिका विभिन्न क्वरेण्टीनमा ३३ हजार एक सय २५ जना रहेका छन् । विभिन्न अस्पतालका आइसोलेशनमा नाै हजार ४२ जनाको उपचार भइरहेको छ । शनिबार दुई सय ७१ जनासँगै आजसम्म ६ हजार चार सय १५ जना सङ्क्रमणमुक्त भएर घर फर्किएका छन् । स्वास्थ्य तथा जनसंख्या मन्त्रालयका अनुसार कोरोना संक्रमणबाट थप दुई जनाको मृत्यु भएको पुष्टि भएको छ । यससँगै नेपालमा कोरोना संक्रमणका कारण मृत्यु हुनेहरुको संख्या ३४ पुगेको छ ।

(Visited 23 times, 1 visits today)

२० असार २०७७, शनिबार ११:३० मा प्रकाशित

समाचारको लागि

भर्खर राखिएको

सर्बाधिक हेरिएको

यूरोप का गतिबिधि

सबै

संविधान दिवसको अवसरमा बार्सिलोनामा कार्यक्रम सम्पन्न

स्पेनस्थित नेपाली राजदूतावासले २२ सेप्टेम्बर २०२२ मा संघीय लोकतान्त्रिक गणतन्त्र नेपालको राष्ट्रिय दिवस र संविधान दिवसको अवसरमा बार्सिलोनाको कासिनेट डी’होस्टाफ्रान्स हलमा सांस्कृतिक कार्यक्रम सहित.....

नेपाली काँग्रेस कुस्मानगर समितिको समिक्षा,प्रदेश र सघिंय निर्वाचनमा जुटने निश्कर्ष

पर्वत- नेपाली काँग्रेस कुस्मा नगर कार्यसमितिले नगरका प्रतिनिधिहरुसँग स्थानीय तह निर्वाचन ०७८ को समिक्षा र छलफल.....

कश्मिरी नेता यासिन मलिकलाई जन्मकैदको सजाय

काठमाडौं । भारतको एक अदालतले कश्मिरी पृथकतावादी नेता यासिन मलिकलाई जन्मकैदको सजाय सुनाएको छ । आतंकवादमा.....