सल्यान त्रिवेणी गाउँपालिकाका ६ जना उत्कृष्ट किसान सम्मानित

सल्यानको त्रिवेणी गाउँपालिकाले ६ किसानलाई पुरस्कृत सँगै सम्मान गरेको छ । कृषि क्षेत्रको विकासमा पुर्‍याएको योगदानको कदर गर्दै गाउँपालिकाले गाउँपालिका अध्यक्ष उत्कृष्ट कृषक पुरस्कारबाट कृषि क्षेत्रका तीन र पशुपालन तर्फका तीन गरी छ किसानलाई सम्मान गरेको हो । सम्मानित हुनेमा गौरीददी बाख्रापालन फर्क त्रिवेणी ४ की सुक कुमारी रोका, महतरा कृषि तथा पशुपंछी फर्मका त्रिवेणी ३ का सावित्रा महतरा, वली प्रगतिशिल भैसी पालन उद्योग त्रिवेणी ३ का गिरिराज वली, न्यु बागेश्वरी कृषि तथा फलफूल फर्म त्रिवेणी ३ का पोखर सिहं डाँगी , नमस्ते त्रिवेणी कृषि तथा पशुपंछी फर्म त्रिवेणी ४ का पोषणराज रावत र गोकर्ण कृषि तथा पशुपंछी फर्म त्रिवेणी ३ का ज्ञान बहादुर खत्री रहेका छन् ।

उत्कृष्ट हुने ६ किसानलाई २० हजार नगद सहित सम्मान गरिएको त्रिवेणी गाउँपालिका पशु सेवा शाखा प्रमुख वसन्त रावतले बताउनुभयो ।
गाउँपालिकाले ७५ किसानको बिमा प्रिमियम अनुदान समेत वितरण गरेको छ । पालिका भित्रका विभिन्न ७५ किसानका ११ बाख्रा, र ११२ वटा भैसीको बिमा बापतको १करोड ४ लाख ८७ हजार मध्ये पालिकाले ५७ हजार ९ सय ९० रुपैयाँ अनुदान वितरण गरेको उहाँको भनाई छ ।
यस्तै गण्डकी बुहउश्यीय कृषि फर्म त्रिवेणी गाउँपालिका ६ लाई ३५ हजार र कारेबास बहुउद्देश्यीय कृषि फर्म त्रिवेणी ३ लाई ३० हजार रुपैयाँ अनुदान प्रदान गरिएको छ ।

पालिकाले आज नै उत्पादनमा आधारित अनुदान समेत वितरण गरेको छ । कृषकको उत्पादन गाउँपालिकाकको अनुदान कार्यक्रम अन्तर्गत ४३४ बाख्रा पालक कृषकलाई अदुदान वितरण गरेको छ ।
चालु आर्थिक वर्षमा पालिका भित्रका चार विभिन्न सहकारी संस्थाबाट १ हजार ५ सय ८८ खसी बोका बिक्री हुँदा ३ करोड २६ लाख ४३ हजार ६ सय ३ रुपैयाँ पालिकामा भित्रिएको रावतको भनाई छ । गत आर्थिक वष २ करोड ३६ लाखको खसीबोका निकासी भएको थियो । गाउँपालिकाले सूचिकृत सहकारीबाट खसीबोका बिक्रिी गरेको प्रतिकिलो २० रुपैयाँ अनुदान दिदै आइरहेको छ । त्यसका कारण एक सय किलो बढीको खसीबोका बिक्री गर्नु पर्ने छ ।