डेढ महिनामा काम सक्ने गरि साङघारमा एक करोडको खानेपानी आयोजनाको काम सुरु

अवको डेढ महिनामा काम सक्ने गरि सल्यानको शारदा नगरपालिका १२ र १३ को साङघारमा एक करोडमा २३ लाख लागतमा खानेपानी आयोजनाको काम सुरु भएको छ । खानेपानी समस्या समाधानको लागि शारदा नगरपालिका सल्यानको आर्थिक बर्ष २०८१÷८२ को बजेट बाट साङघार खानेपानी आयोजनाको काम सुरु भएको हो । खानेपानीको काम असार मसान्त सम्म सक्ने गरि निर्माणको जिम्मा अरफिक बिल्डस सल्यानले लिएको छ । उक्त आयोजनाको नगर प्रमुख प्रकाश भण्डारीले शिलान्यास गरेर औपचारीक रुपमा काम सुरु भएको हो । आयोजना निर्माण भएपछि यहाँका स्थानियबासीलाई सहज रुपमा खानेपानी उपलब्ध हुनेछ । जसले खानेपानीको समस्या झेल्दै आएका स्थानवासीहरूका लागि यो आयोजना महत्वपूर्ण उपलब्धिका रूपमा लिइएको छ । आयोजनाको निर्माण सम्पन्न भएपछि २ सय ५० बढी घरधुरी लाभान्वित हुने नगरपालिकाले जनाएको छ । नगर प्रमुख भण्डारीले आयोजनाको शिलान्यास गर्दै स्थानीयवासीको दीर्घकालीन मागलाई सम्बोधन गर्दै यो आयोजना अघि बढाइएको बताउनु भयो । खानेपानी नै स्वस्थ जीवनको आधार भएकाले यसको प्रभाव प्रत्यक्ष रूपमा स्वास्थ्य, शिक्षा, र जीवनस्तरमा पर्ने बिश्वास गरिएको बताउनु भयो ।
आयोजनाको निर्माण कार्य अवको डेढ महिनाभित्र सम्पन्न गर्ने लक्ष्य रहेको छ । लिफ्टिङ प्रबिधी बाट १ सय ५० मिटर माथि खानेपानी पुर्याउने लक्ष्य रहेको शारदा नगरपालिका सल्यानका प्राबिधिक खगेन्द्र मल्ले जानकारी दिनुभयो । उहाँका अनुसार आयोजनाबाट दैनिक झन्डै ८० हजार लिटर पानी वितरण हुने लक्ष्य रहेको छ । समयमै योजना सम्पन्न गर्नको लागि तिब्ररुपमा कामलाई प्राथामिकता दिइएको बताउनु भयो । स्थानवासीहरूले आयोजना सुरु भएकोमा खुसी व्यक्त गरेका छन।