वनस्पति दिवसको अवसरमा २ पत्रकार सम्मानित

सल्यान — जैविक विविधताको संरक्षणमा उल्लेखनीय योगदान पु-याएको भन्दै दुई जना पत्रकारलाई सम्मान गरिएको छ । वन तथा वातावरण मन्त्रालय अन्तर्गत वनस्पति विभागको ६५ औं वार्षिकोत्सव तथा २६ औं वनस्पति दिवसको अवसरमा वनस्पति अनुसन्धान केन्द्र सल्यानले सम्मान गरेको हो ।

 केन्द्रले झन्डै एक दशक देखी  पत्रकारितामा सक्रिय मेरो जिल्ला डट कम अन्लाईनका संचालक,  रेडियो शारदा एफएम सल्यानका समाचार सम्पादक तथा कान्तिपुर टेलिभिजन सल्यान संवाददाता सरिता  चलाउने र लेकाली अन्लाईनका संचालक तथा सम्पादक खकेन्द्र केसिलाई सम्मानित गरेको छ ।
स्थानीय तहदेखि राष्ट्रिय स्तरका मुद्दा उजागर गर्दै आएका पत्रकार चलाउने र केसीले  जैविक विविधता, वातावरण संरक्षण, द्वन्द्वपीडित समुदाय, महिला र ग्रामीण सरोकारका विषयमा निरन्तर रिपोर्टिङ गर्दै आएका छन्।
कपुरकोट गाउँपालिकाका अध्यक्ष दुर्गा पुनले उनिहरुलाई सम्मानपत्र हस्तान्तरण गर्नुभएको थियो।